نێچیرڤان بارزانی سوپاس ئەڵمانیا کەێد ئەرا دەسمیەتییە ئەمنی و سیاسی و مرۆییەیلی ئەرا هەرێم کوردستان

شەفەق نیوز - هەولێر نێچیرڤان بارزانی، سەرۆک هەرێم کوردستان، ئمڕوو سێشەممە، چەوی کەفت وە کریستیان ئۆلفکە، کونسوڵ گشتی نوو ئەرا کۆماری ئەڵمانیای فیدراڵی لە هەرێم کوردستان و شاند یاوەری. لە بەیاننامەیگ کە لە سەرۆکایەتی هەرێم کوردستان دەرچگە و رەسیە ئاژانس شەفەق نیوز کە لەناو دیدارەگە سەرۆک نێچیرڤان بارزانی ئامادەیی خوەی و لایەنە پەیوەندیدارەیل لە هەرێم کوردستان نیشان دا ئەرا پیشکەشکردن گشت هاوکاری و ئاسانکارییەیل ئەرا سەرکەفتن ئەرکەگەی.