Reuters dibêje ku karbidestên hikûmeta Sûrîyê û nûnerên Hizbullahê di Îlonê de li Tirkîyê danûstandinên veşartî kirine û îstixbarata Tirkîyê navbeynkarîya van danûstandinan kiriye.
Serokê Amerîkayê Donald Trump got ku heke rêkeftinek ku ew qebûlkirî dibîne bi Îranê re neyê bidestxistin, dibe ku ew operasyonên leşkerî yên li dijî Îranê zêde bike li şûna ku şer bidawî bibe.
Serokê Tirkîyê Recep Tayyîp Erdogan dibêje pêvajoya “Tirkîye ya Bê Teror” didome.
Washington — Rêveberîya Serokê Amerîkayê Donald Trump ragihand ku ew qedexeya kirîn û şandina çekên Amerîkî ji Sûrîyê re radike. Wezareta Derve Çarşemê got ku ew guhertinan di "Rêziknameya Trafîka Navneteweyî ya Çekan" (ITAR) de dike da ku Sûrîye ji lîsteya wan welatan derkeve ewên ku nikarin çek û…
Artêşa Tirkîyê ji 2015’an û vir ve bingeha Başîka-Zilkan hêzên xwe bi cîh kîrîye û wê bingehê bi kar tîne.
Serokê Amerîkayê Donald Trump bidawîbûna erkê koalisyona navneteweyî û vekişîna hêzên Amerîkayê ji Îraqê wekî "serkeftineke dîrokî" ji bo Amerîka û Îraqê binav kir û piştevanîya xwe ya tevahî ji bo Serokwezîr Elî Zeydî ragihand.
Ajansa Reuters îro Pêncşemê ragihand ku şeş çavkanîyên agahdar dan zanîn ku nûnerên hikûmeta Sûrîyê û koma Hizbullah a Libnanî li Tirkîyê danûstandinên rasterast û veşartî li dar xistin, da ku girjîyên di navbera herdu alîyan de kêm bikin.
Di daxuyanîya MGK'ê de, ser pîtrastkirina hîlweşîn û çekberdana Partîya Karkerên Kurdistanê (PKK) ti biryarek yan nirxandînek nehat dîyar kirin.
Serokê Amerîkayê Donald Trump îro Çarşemê ragihand ku hêzên dawî yên Amerîkî ji Îraqê derdikevin. Serok Trump li ser platforma Truth Social diyar kir ku demeke dirêj derbas bû û biryarên xirab bûn sedem ku Amerîka têkeve nav vê tevlîhevîyê, lê “nêzîk e ku ev mijar hemû bibe dîrok.” Trump got: "Ev ro…
Serokwezîrê Îsraîlê Benjamin Netanyahu îro Çarşemê ragihand ku firokvanekî di firoka ku ji Dubaîyê ber bi Tel Avîvê ve difirîya de, firokvanê din bi kêrê birîndar kirîye û xwestîye firokê bixîne xwarê.
Piştî zêdetirî deh salan, Amerîkayê bi awayekî fermî operasyona leşkerî li Îraqê bi dawî anî. Bi derketina hêzên dawî yên Amerîkayê ji Hewlêrê di 30'yê Îlonê de, erka leşkerî ya ku di sala 2014'an de ji bo şikandina Daiş'ê dest pê kiribû, bi dawî hat.
Sekreterê Giştî yê NATO Mark Rutte îro Çarşemê ragihand ku ti metirsîyek ji alîyê Rûsyayê ve li ser axa welatên NATO’yê nîn e. Rutte ev daxuyanî wek bersiv da hişyarîya Moskoyê ya li ser herêma Kalînîngradê.
Konferansa Aştî û Entegrasyona Demokratîk di 29–30’ê Îlonê de li Londonê, ji aliyê Navenda Xabetên Kurdan (Centre for Kurdish Affairs) ve tê dar xistin.
Wezareta Derve ya Amerîkayê ragihand ku wê xelatek 15 milyon dolarî ragihand ji bo agahdarîya ku dibe sedema hilweşandina torên darayî yên bi berpirsên payebilind ên Hêza Esmanî ya Pasdarên Şoreşa Îranê (IRGC)ve girêdayî.
Rûsyayê hişyarî da NATO’yê û got ku eger hevalbendîya Rojava hewl bide ku têkilîya Kalînîngradê, ku herêmeke Rûsyayê ya nêzîkî Deryaya Baltîkê ye, bibire, ew amade ne çekên navokî bi kar bînin.
Serokê Partîya Demokrat a Kurdistanê Mesûd Barzanî, îro Çarşemê, ragihand ku piştî bidawîhatina erka hêzên Hevpeymanîya Navneteweyî, Herêma Kurdistanê di bin metirsîyê de nîne. Di peyamekê de bi helkefta bidawîhatina erka hêzên Hevpeymanîyê li Îraq û Herêma Kurdistanê hatibû şandin, Barzanî spasîya…
Berpirsên Tenduristîyê yên kerta Xezayê îro Çarşemê ragihandin ku di du êrîşên cuda de yên Îsraîlê de herî kêm pênc Filîstînî hatine kuştin, Wan got ku êrîşeke esmanî ya Îsraîlê li ser erebeyekê li bajarê Xezeyê, herî kêm çar kes hatin kuştin û 14 kes jî birîndar bûn.
Serokwezîrê Îraqê Elî Zeydî roja Çarşemê destpêkirina "rûpeleke nû ku navê wê serwerîya Îraqê ye" piştî vekişîna hêzên hevpeymanîyê ragihand. Di ahenga fermî ya Nivîsgeha Fermandarê Giştî yê Hêzên Çekdar de li Bexdayê bi boneya "Roja Serwerîyê" di 30’yê Îlona 2026’an de, Zeydî got ku bi dawîhatina e…
Fermandarîya Navendî ya Amerîkayê (CENTCOM) ragihand ku ew di 30’yê Îlonê de vekişîna birêkûpêk a hêz û alavên leşkerî yên Amerîkî ji Bingeha Esmanî ya Hewlêrê bi dawî anîne, ku ev pêngav dawî li erka operasyona (Operation Inherent Resolve) li Îraqê tîne.
Serokê Amerîkayê Donald Trump roja Sêşemê malpereke nû ya Hişberîya Çêkirî (AI) ragihand. Serok Trump li Washingtonê gotarek pêşkêş kir û bi awayekî fermî malpera "America.gov" ragihand ku tê de hemû xizmetên hikûmeta Amerîkayê hene û bi alîkarîya AI, welatîyên li Amerîkayê dikarin bi awayê herî hês…
Wezareta Derve ya Amerîkayê ji VOA re got ku Amerîka pêvajoya vekişandina hêzên xwe ji Îraqê heta 30ê Îlonê didomînin; ev gav li gorî wê nexşerêya hatîye avêtin, ku berê hatibû ragihandin û bi awayekî hevbeş ji bo bidawîanîna erka hêzên Amerîka û hevpeymanan li Îraqê hatibû diyarkirin.
Wezareta Berevanîyê ya Îraqê îro Sêşemê tekez kir ku şiyana parastinê ya welatê temam e û Îraqa îro bi temamî ji Îraqa sala 2014 cuda ye. Lîwa Tehsîn el-Xefacî, Rêveberê Ragحhandinê yê Wezareta Berevanîya Îraqê û Cîgirê Serokê Şaneya Medya ya Ewlehiyê, ji Dengê Amerîkayê re got ku 30'ê Îlonê dê roje…
Ajansa Reuters ragihand ku roja Sêşemê Îsraîlê di êrîşeke esmanî de Izzeddîn el-Beîk, fermandarê lîwaya bakurê Xezayê ya Lîwayên Izzeddîn el-Qesam, baskê çekdarî yê tevgera Îslamî ya Filistînî Hemas kuşt.
Wezareta Veguhastinê ya Îraqê îro roja Sêşemê ragihand, Amerîka bi biryarek taybet û Îstîsnayî rê dide ku Hêlên Esmanî yên Îraqê di meha Cotmehê de ji nû ve geştên xwe yên ji bo Îranê dest pê bikin.
