دادگای عراقی خوەی ئامادە کەێد ئەرا دەرکردن فەرمانەیل لەبان سامەڕایی و سەیهوود لە سەرەتای هەفتەی ئایندە

شەفەق نیوز- بەغداد سەرچەوەیگ ئاگادار، رووژ سێشەممە، راگەیان کە دادگاییکردن سەرۆک هاوپەیمان عەزم موسەننا سامەڕایی، و سەرکردە لە هاوپەیمانی ئاوەدانکردن و گەشەپیدان محمد سەیهوود، لە سەرەتای هەفتەی ئایندە دەس وەپی کەێد، لەبان توومەتەیلیگ کە پەیوەندی وە گەندەڵی دیرن. سەرچەوەگە ئەرا ئاژانس شەفەق نیوز وت، کە دەسوەپیکردن دادگاییکردنەگە دۊای تەواوکردن لێکۆڵینەوەیل تیەێد لەلایەن دادگای تایبەتمەنەو، وە مەزەنەکردن دەرچگن فەرمانەیل دادگایی لەبانیان.