زەخمداربۊن 8 سەرباز ئەمریکی وە پەلاماریگ ئیرانی لە هورمز

شەفەق نیوز- خوەرهەڵات ناوڕاس توڕ "NBC News" ئەمریکی، رووژ دووشەممە، خەوەردا کە 8 لە ئەندامەیل پیادەی هێز دەریایی "مارینز" وەرجە دوو هەفتە زەخمدار بۊنە، لە ئەنجام پەلاماریگ وە مووشەک کروز ئیرانی کە کەشتییگ کردە ئامانج کە لەبانی کار کردن لە ناو گەروو هورمز. وەرپرسەیل ئەمریکی لە قسەیلیان ئەرا توڕەگە دیاری کردن، کە "زەخمەیل سەخت نەۊنە، وەلی ئەندامەیل لە هەڵمژین دۊکەڵ و لە زەخمداربۊنەیل لە مێشک ناڕەحەت بۊنە؛ چۊنکە نیشانەیل لەرزین مێشک لەبانیان دەرکەفتیە، جۊر سەرژان".