بیسەروشوینی 2 لە ستافەگە.. عومان نەفتهەڵگریگ کیشێد کە رۊوەڕۊ پەلاماریگ بۊە لەوەرانوەر کەناراوەیلی

شەفەق نیوز- وەدۊاکەفتن ناوەند ئاسایش دەریایی لە سوڵتانیش عومان، ئمڕوو سێشەممە، خەوەر دا لە کیشانن نەفتهەڵگر "ئێل جایا" کە ئاڵای پەنەما بەرزەو کەێد ئەرا یەکیگ لە بەندەرەیل عومانی، دۊای هەڵسیاه ئاگریگ لەناو ژوور بزوێنەرەیلی وە مدوو رۊوەڕۊبۊنی ئەرا پەلاماریگ لەوەرانوەر کەناراوەیل پارێزگای موسەندەم. ناوەندەگە وت کە نەفتهەڵگرەگە لە دۊری نزیکەی 103 میل دەریایی لە باکوور خوەرهەڵات پارێزگای موسەندەم بۊە وەخت رۊوەڕۊبۊنی ئەرا پەلامارەگە، لە وەختیگ کەشتییگ سەروە هیز دەریایی عومانی 23 کەس لە ستافەگەی قورتار کردنە. هەمیش وت کە دوو کەس لە ستاف نەفتهەڵگرەگە هیمان لە ریژەی گومبۊیەیلن.