ئاماریگ فەرمی.. زیاتر لە 35 هەزار مارەبڕین و 6700 تەلاق لە عراق لە مانگ ئەیلوول گوزەشتە

شەفەق نيوز- بەغداد زانیاریی فەرمیەیل دەرچگ لە ئەنجومەن دادوەری باڵا، ئمڕوو چوارشەممە، دەرخس دادگايل فیدراڵی لە گشت پارێزگایەیل عراق - بیجگە لە هەرێم کوردستان - 42 هەزار و 181 مارەبڕین و تەلاق لە مانگ ئەیلوول/سێپتەمبەر گوزەشتە توومار کردنە. وەپای ئامارییەیل دەرچگ لە دادگا، بڕ شمارەی گرێبەسەیل مارەبڕین 35 هەزار و 440 گرێبەس بۊ کە بغدای پایتەخت (وە هەردووگ لای کەرخ و رەسافە) وە 8938 گرێبەس لە بان لیستەگە بۊ، و دویای ئەو نینەوا وە 4055 گرێبەس هات.