وە مدوو هەنەکی گەشتیاریگ وە بڕ 2500 دۆلار سزا دریا

شەفەق نیوز ـ وەدویاچگن پۆلیس ئەمریکا گەشتیاریگ دەسگیرکرد دویای ئەوەگ وت بۆمبیگ لەناو جانتایگ هەس، لەوەخ ئامادەکاری ئەرا گەشتکردن لە فرۆکەخانەی ناودەوڵەتی میامیەو ئەرا کۆبا. رویداوەگە هنای دەسوەپیکرد کە کارمەنیگ دەروازەگە پرسیار لە "یوئێل گیڤارا کریسپۆ"ی تەمەن 33 ساڵ کرد ئایا جانتاگەی ماددەی تەقێنەر یا پاتری رخداری هاناوی، ئەویش لە جواو وە هەنەکی وت: "نەخێر، بەڵام بۆمبیگ هاپیم". دویاجار هەرچەن دووپاتکرد کە هەنک کردیە نواگیری لە رەدبوینی کریا ئەرا فرۆکەگە و پۆلیس بانگکریا، مەوقەی وشکنین کەلوپەلەیلی لە ری سەگ مەشقوەپیکریاگ چەسپنیا هویچ مادەی تەقێنەر نییە ناوی.