وەرپرسیگ ئیرانی: شیب تەنیا دەروازەی بازرگانی بەسیایە وەگەرد عراق

شەفەق نیوز- تاران/ بەغداد ئەمیندار گشتی ژوور بازرگانی ئیرانی عراقی جەهانبەخش سنجابی شیرازی، ئمڕوو چوارشەممە، دووپات کرد کە فرەی دەروازە بازرگانییەیل ناوەین ئیران و عراق کار کەن، هەرچەن بڕیگ لە شیویان و چەوەڕیکردن بارهەڵگرەیل هەس. سنجابی شیرازی ئەرا ئاژانس "ئیلنا"ی ئیرانی وت، کە دەروازەی شەلەمچە دەس کردەسەو وە جۊلەی بارهەڵگرە بازرگانییەیل، لە وەختیگ دەروازەی چەزابە (شیب) هیمان بەسیاس لە وەرانوەر چگنەناو کاڵایەیل لە لایەن عراقییەو.