وەرگری ئیماراتی: ریگری لە فڕۆکەیگ بێفڕۆکەوان کردیمن کە لە ئیرانەو هاتۊد

شەفەق نیوز- ئەبوزەبی وەزارەت وەرگری ئیماراتی، رووژ دووشەممە، خەوەردا لە ریگریکردن لە فڕۆکەیگ بێفڕۆکەوان کە لەبان ئاوەیل هەرێمی وڵاتەگە فڕیاد، و لە ئیرانەو هاتۊد. وەزارەتەگە لە بەیاننامەیگ وت، کە هیزە چەکدارەیل لە بەرزترین ئاستەیل ئامادەبۊن و ئامادەن ئەرا رۊوەڕۊبۊن هەڕەشە جۊراوجۊرەیل، و دیاری کرد کە سیستمەیل وەرگری ئاسمانی وەردەوامن وە دریژایی سەعاتەیل رووژ لە چەودیاریکردن و وەدۊاکەفتن ئاسمان. هەمیش وەرگری ئیماراتی دووپات کرد، کە ئەوەگ لەلایەن میدیایەیل راگەیاننەو باس کریەێد لەباوەت ئامانجگردن بنکەی ئاسمانی مەنهاد وە موشەک دویرە لە راسی.