بەغدا.. دەسگیرکردن فەرمانبەریگ کە کار جادوو کەێد و مردن پیایگ وە تلانن وە "ستوتە"

شەفەق نیوز- بەغدا هێزیگ ئەمنی، ئمڕوو یەکشەممە، توانست توومەتباریگ لە فەرمانبەرەیل وەڕێوەبەرایەتی کارەبای رەسافە دەسگیر بکەێد، وە توومەت خەڵەتانن هاووڵاتییەیل لە ری ئەنجامدان کار جادوو و جادوگەری، و دەسگردن وەبان بڕیگ کەرەسە کە ئەرا کار جادوو و نوشتە وەکاریان بەێد لە ناوچەی شەعب لە باکوور بەغدا. سەرچەوەیگ ئەمنی، ئەرا ئاژانس شەفەق نیوز وت: هێزەگە کوڵەی قایم ئەرا توومەتبارەگە دانان، و توانست دەسگیری بکەێد، لە وەختیگ کە کەرەسەیل جادوو کە وەپی بوی دەسگیریا وەبانی، لە ناویان تەلیسم و تەسبیح و بوخور بوی، کە ئەرا کارەیل هەڵخەلەتانن وەبان هاووڵاتییەیل وەکاریان هاورد.