تایلەند.. کوشیان 23 کەس وە مدوو تافاوەیل

شەفەق نیوز- بانکۆک وەزارەت ناوخۆی تایلەندی، ئمڕوو سێشەممە، خەوەردا لە کوشیان 23 کەس وە لای کەمەو لە سەرانسەر وڵاتەگە، کە چواریان لە پایتەخت بانکۆکن، وە مدوو وارانەیل رفت و تافاوەیل کە لە 16 ئەیلول/ سێپتەمبەر ئیسەو لە 42 هەرێم وەردەوامن. و وەزارەتەگە لە بەیاننامەیگ وت کە تافاوەیل و وارانەیل رفت بۊنەسە مدوو زەرەدەیل گیانی لە شمارەیگ لە ناوچە زەرەدمەنەیل، لە وەختیگ لیکەفتەیل رەوشەیل کەشوهەوای سەخت کە وڵاتەگە لە ناوڕاس مانگەو وەخوەیەو دۊنێد وەردەوامن، وەپەی "رۆیتەرز".