بانک ناوەندی دڵنیایی دەێدە عراقییەیل: یەدەگە بیگانەیلمان هاوردەیل ئەرا ساڵیگ تەواو پووشێد

شەفەق نیوز - هەولێر وەڕیەوبەر گشتی فەرمانگەی ئامار و لێکۆڵینەوەیل لە بانک ناوەندی عراقی، سەمیر فەخری نیعمە، رووژ سێشەممە، راگەیان کە یەدەگەیل بانکەگە لە دراو بیگانە ها لە "رەوشیگ ئارام" و تۊنێد پسوولەی هاوردەیل ئەرا ساڵیگ تەواو بپووشێد، و ئاشکرا کرد کە خەرج حکومەتی مانگانە ها لە ناوەین 9 تا 10 ترلیۆن دینار، و بەرزەوبۊن هەناردەیل نەفتی لەی دۊاییە فشار دارایی کەمەو کردگە.