بارەگایەیل حەشد لە ئەنبار لەوەر ئامانجگردنیگ ئەگەری چووڵ کریەن

شەفەق نیوز- ئەنبار سەرچەوەیگ ئەمنی، رووژ دووشەممە، خەوەردا لە چووڵکردن بارەگایەیل حەشد شەعبی لە پارێزگای ئەنبار خوەرئاوای عراق، لەوەر بەرزەوبۊن گرژییەیل ناوەین ئیران و ویلایەتە یەکگرتگەیل. سەرچەوەگە ئەرا ئاژانس شەفەق نیوز وت، کە رێکارەیل کەمەوکردن شمارەی کارمەنەیل لەناو بارەگایەیل گردە خوەی، وەگەرد هیشتن شمارەیگ سنووردار لە رووڵەیل پارێزگاگە ئەرا پاراستنیان و وەدۊاکەفتن ئەرکە بنەڕەتییەیل.