زەخمداربۊن ئەفسەریگ و 5 مەدەنی لە جەنگیگ هووزانە لە گورمە
Shafaq News Kurdishنشره المصدر:
شەفەق نیوز - ئەنبار سەرچەوەیگ ئەمنی، ئمڕوو جمعە، خەوەر دا لە زەخمداربۊن ئەفسەریگ لە وەزارەت ناوخۆ و پەنج مەدەنی وە مدوو جەنگیگ لە ناوەین دوو هووز لە ئەنبار. سەرچەوەگە ئەرا ئاژانس شەفەق نیوز وت، کە جەنگەگە لە ناوەین کەسەیلیگ لە هەردگ هووز جەواهرە و سوبێحات لە قەزای گورمە هەڵسایە. وتیش کە هیزە ئەمنییەیل دەسوەردان کردنە ئەرا کووتاییهاوردن وە جەنگەگە، لە وەختیگ زەخمدارەیل ئەرا خەسەخانە بریان ئەرا وەرگرتن چارەسەر، و رێکارە یاساییە لەبان ئەو کەسەیلە جیوەجی کریانە کە بۊنەسە مدوو رۊداینی.