کپەوکردن ئاگریگ کە لەناو بینای بازرگانی جادەی فەلەستین لە بەغدا هیزگرد

شەفەق نیوز ـ بەغدا وەڕێوەبەرایەتی وەرگیری شارستانی، ئمڕوو پەنجشەممە، خەوەردا لە کپەوکردن رویداویگ هیزگردن ئاگر لەناو بینایگ بازرگانی کە لە دوو نهۆم پێکهاتبوی لە ناوچەی جادەی فەلەستین لە بەغدای پایتەخت، قات یەکەم دووکان بازاڕ بازرگانیە، نهۆم دویەم قاوەخانەس (کۆفی شۆپ). لە بەیاننامەیگ رەسیە ئاژانس شەفەق نیوز وت، تیمیگ کپەوکردن ئاڵنکاری مەیدانیانەی گەپیگ ئەنجامدان لە کپەوکردن ئاگریگ لە نزیک مۆلیدەیل کارەبایی و ئەمارەیل فرە گەپ لە سزەمەنی گاز، وە بوێریەو کارکردن ئەرا ئاخڵەداین ئاگرەگە و توەنستن رخداری ئاگرەگە وە تەواوی لە ماڵەیل دویربخەن کە لە دەوروگەرد رویداوەگە بوین.