هەڵکشان زویوەزوی ئیسرائیل لە باشوور سوریا.. دەسگیرکردن و چگنە ناو و گورز ماوەی 24 سەعات
Shafaq News Kurdishنشره المصدر: · رصدته أورنا:
شەفەق نیوز- دیمەشق روانگەی سوری ئەرا ماف مرۆڤ، رووژ سێشەممە، خەوەردا لە دەسگیرکردن گەنجیگ لەلایەن هێزەیل ئیسرائیلی و جیوەجیکردن چەن چگنەناویگ و جویلەیگ سەربازی لە دەورگرد قونەیتەرە و دەرعا لە ماوەی کەمتر لە 24 سەعات، لەوەخت هاودەم وەرد تەقانن بومبەیل رووشناکەر و گورزەیل تووپخانەیی لە ناوچە سنوورییەیل. روانگەگە لە بەیاننامەیگ کە ئاژانس شەفەق نیوز چەوی وەپی کەفت، وت کە هێزەیل ئیسرائیلی گەنجیگ لە ئاوایی حورییە لە دەورگرد باکوور قونەیتەرە دەسگیر کردن، بی ئەوەگ زانیاری لەبان مدووەیل دەسگیرکردنەگە یا ئەو لایەنە کە وەرەو پی بریاگە بڕەسێد.