نەجەف و مەیسان.. لەسێدارەدان ئەرا بکوش خاڵووزای و زیندانیکردن هەمیشەیی ئەرا دوو بازرگان کریستال

شەفەق نیوز - نەجەف / مەیسان دادگای تاوانەیل نەجەف، ئمڕوو چوارشەممە، سزای لەسێدارەدان دەرکرد لەبان تاوانباریگ کە کوڕ خاڵوو خوەی وە گولە کوشتیە. سەرچەوەیگ دادوەری ئەرا ئاژانس شەفەق نیوز وت: رویداوەگە لە ناوەڕاس شار نەجەف لە ساڵ 2025 روی دا. دیاریکرد، بڕیارەگە وەپای سزایەیل ماددەی 406 لە یاسای سزادان عراقی شمارە 111 ساڵ 1969، تایوەت وە تاوان کوشتن وە مەبەست دەرچگە. لە میسان، دادگای تاوانەیل سزای زیندانیکردن هەمیشەیی دەرکرد ئەرا دوو تاوانبار لەبان تاوان بازرگانیکردن وە ماددە هوشبەرەیل.