‏ئەرا عراقیەیل دوس رخبەر دیرن؟.. رۆمانەیل گەنجەیل وەرەو خوەیان کیشن و هووشداری لە مناڵەیل دریەێد

شەفەق نیوز ـ بەغدا ئەدەب رخبەر پیشوازیکردن زیایگ لەناوەین گەنجەیل عراق وەخوەی دیە، وە مدوو بڵاوبوین تووڕە کۆمەڵایەتیەیل و و ئاسان رەسین وە رۆمان و کەرتەیل رخدار، لەهەمان وەخت بڕیگ لە خوەنەریگ وە رییگ ئەرا شکانن رۆتین ژیان و دویرەوکەفتن لە فیشار واقیع زاننێ، وەگەرد هووشداری دەروینی لە فرە وەکارهاوردنی و رویوەرویبوین مناڵەیل وەگەرد ناوڕۆک رخبەر و تونوتیژەیل. میس بەغدادی، تەمەن 22 ساڵ، ئوشێد وەلای ئەو رخ نوێنەرایەتی دۆخیگ ئەرێنی کەێد کە خوێنەر لە کەشوهەوا مەنگ و بیدەنگ بەێد ئەرا جیهانیگ پڕ لە خرۆش و رخ.