عراقچی هوشداری دەێدە واشنتۆن: ئەگەر پەلامارمان بیەن جواومان لە گوەشتە تیژتر بوود

شەفەق نیوز - تەهران وەزیر دەیشت ئیران عەباس عراقچی، ئمڕوو یەکشەممە، وڵاتەیل یەکگرتوو ئاگادار کردەو لە رویوەرویبوین وڵاتەگەی وە پەلامارداین، و دوارە هەڵوێست تەهران بەرزەو کرد کە پشتیوانی لە ئاشتی و ری دیپلۆماسی کەێد لە چارەسەرکردن ناڕێکییەیل و دۆسیەیل هڵواسیاگ وەگەرد واشنتۆن. عراقچی لە لێدوانیگ رووژنامەوانی وت: "ئەگەر پەلامارمان بدەن وەڵاممان تیژتر لە جاران بوود، و ئەگەر ری دیپلۆماسی هەڵوژێرێد ئەوە ئیمە ئامادەیمن ئەڕای"، دیاریکرد "ئەوانەگ تەقەلای گۆشەگیرکردن ئیران دان لە ئاست ناودەوڵەتی لە وەرگردن ئامانجەیلیان شکست هاوردن".