دیمەشق تەمای هاوکاری فرەتر وەرد کوردستان دیرێد و "پەیامیگ سوپاسگوزاری" ئەرا نێچیرڤان بارزانی

شەفەق نیوز- هەولێر نەجیب غەزبان، راویژکار باڵای وەزیر دەیشت سووریا، ئاشکرا کرد کە وڵاتەگەی خوازیارە ئاسووەیل هاوکاری و هەماهەنگی وەرد عراق و هەرێم کوردستان فراوانەو بکەێد، وە تایبەت لە دۆسیەی گلەوداین پەنابەرەیل، وە دەسنشانکردن ئەوەگ سووریای نوو پەڕەیگ نوو لە سیاسەتەیلی وەرانوەر پێکهاتە ناوخۆییەیل و دەوڵەتە هاوسایەیل واز کردگە. غەزبان، ئەرا ئاژانس شەفەق نیوز لە پەراویز بەشداریکردنی لە کارەیل "دیدار مێری" کە لە شار هەولێر بەسیاس، وت کە "سووریای نوو ئاڵشتکارییگ گشتگیر لە سیستەم و سیاسەتەیلی وەرانەور گشت پێکهاتە ناوخۆییەیل و هەرلیوا دەوڵەتە هاوسایەیل وەخوەیەو دیە"، وە رووشنەوکردن ئەوەگ وڵاتەگەی…