ئیران هەڵوەشانن گەشتەیل عراق و 3 دەوڵەت و وەردەوامبۊنی ئەرا 6 شوین راگەینێد

شەفەق نیوز- تاران فڕۆکەخانەی ئیمام خومەینی لە تاران پایتەخت ئیران، ئمڕوو شەممە، خەوەر دا لە وەردەوامبۊن گەشتەیل ئاسمانی ئەرا تورکیا و مالیزیا و چین و پاکستان و ڤێتنام و ئەفغانستان، وەپەی خشتەیل وەرجە وەختی. وەڕێوەبەرایەتی فڕۆکەخانەگە، لە بەیاننامەیگ کە ئاژانس شەفەق نیوز وەدۊای چگ، دیاری کرد کە بیجگە لەو گەشتەیلە کە هەڵوەشیانە، کە گەشتەیل ئیمارات و عراق و عومان و جۆرجیا لەناویانیە، خەوەر لە هەڵوەشانن هیچ گەشتیگ نوو نەیریاس. وتیش کە وەڕێوەبەرایەتی فڕۆکەخانەگە "تەقەلای فرەیگ دەێد" ئەرا سەرلەنوو وازکردن گەشتە ئاسمانییە بەسیاگەیل لە زۊترین وەخت.