ترەمپ شەرمەزار پەلامار حووسییەیل ئەرا بان فڕۆکەخانەی ریاز کەێد: "قبووڵنەکریاگە و فرە گەنە"

شەفەق نیوز - واشنتۆن دۆناڵد ترەمپ سەرۆک ئەمریکا وت، کە ئەو پەلامارە ئەرا بان فڕۆکەخانەی ریاز کە بۊە مدوو کوشیان وە لای کەمەو 12 کەس، دۊەکە شەممە، "قبووڵنەکریاگە". سەرۆک ئەمریکی لە لێدوانەیلیگ رووژنامەوانی وتیش، کە وڵاتە یەکگرتگەیل پەیوەندی وەرد حووسییەیل دیرێد و دۊنێد چە روی دەێد، وەلی وت: "ئەوەگ کردنەی فرە گەن بۊ". لەلای خوەیەو، ئەمیندار گشتی نەتەوە یەکگرتگەیل ئەنتۆنیۆ گۆتێرێش "وە تونی" شەرمەزار ئەو پەلامارە کرد کە حووسییەیل وەبان فڕۆکەخانەی ناودەوڵەتی مەلیک خالید لە ریاز پایتەخت سعوودیە جیوەجی کردن.