کوشیان پیایگ و زەخمداری پیاییگ ترەک وە پەلاماریگ چەکدار لە باکوور ناسریە

شەفەق نيوز- زیقار سەرچەوەیگ ئەمنی، ئمڕوو چوارشەممە، خەوەردا لە کوشیان پیایگ و زەخمداری پیاییگ ترەک وە پەلاماریگ چەکدار لە قەزای غەراف باکوور شار ناسریە ناوەند پارێزگای زیقار. سەرچەوەگە ئەرا ئاژانس شەفەق نیوز وت کە تا ئیسە مدووەیل پەلامارەگە نازنیاس، و لاشەی کوشیایەگە ئەرا پزیشک دادوەری بریا، و زەخمدارەگە ئەرا نزیکترین خەسەخانە. وتیش کە دەزگا ئەمنییەیل لێکۆڵینەوە ئەرا رەسین وە بندروس رویداوەگە واز کردن.