سوپای ئەمریکی کوشیان 4 لە قاچاخچیەیل مادەیل هووشبەر لە کارایبی راگەیان

شەفەق نیوز - وەدویاچگن سوپای ئەمریکی، ئمڕوو دوشەممە، گورز وشانن ئەرا بان بەڵەمیگ کە گومان کریەێد لە قاچاخچیەتی مادەی هووشبەر لە دەریای کارایبی وەکارهاوریاس راگەیان، کە بویە مدوو کوشیان 4 کەس، لە نووترین پەلامار لە چوارچمگ هەڵمەت ئیدارەی سەرۆک دونالد ترەمپ کە ساڵیگە وەردەوامە دژ وە ئەوانەگ وە قاچاخچیەیل مادەی هووشبەر لە ئەمریکای لاتین وەسفیان کەێد.