قەتەر: تەنا پشت بەسان وە ئەمریکا بەس نییە ئەرا ئاسایش کەنداو

شەفەق نیوز ـ بەغدا قسەکەر وەزارەت دەرەوەی قەتەر ماجید ئەنساری، ئمڕوو دووشەمە، دووپاتکرد، جەنگ وەگەرد ئیران نیشاندا وڵاتە عەرەبیەیل کەنداو نیەود تەنیا پشت وە هاوبەشی ستراتیژی وەگەرد ئەمریکا بوەسن ئەرا پاراستن ئاسایش خوەیان. ئەنساری، لە کۆبوونەوەیگ گفتوگۆیی لە چوارچمگ کۆربەن هێلی لە ئەبووزەبی، وت: "هەبوین هێزە ناودەوڵەتیەیل لە ناوچەگە و دامەزرانن هاوبەشییگ ستراتیژی وەگەد ئەمریکا فرە گرینگە، باوجی بەس نییە". وتیش: "بایەت لە ناوچەی کەنداو برەسن کە پشتبەسان خوەمان لە مژار ئاسایش، تەنیا رێگایە ئەرا وەردەوامبوین لە وەرەونواچگن".