زەیدی رەزامەنی دەێد لەبان داوایگ ئیرانی ئەرا جیوەجیکردن لێکۆڵینەوەیگ هاوبەش لەباوەت فڕۆکەیل بی فڕۆکەوان لە پارچەی سنووری

شەفەق نیوز - بەغداد عەلی فالح زەیدی، سەرۆک وەزیرەیل، فەرماندەی گشتی هیزە چەکدارەیل، ئمڕوو شەممە، رەزامەنی دا لەبان داوای لایەن ئیرانی ئەرا جیوەجیکردن لێکۆڵینەوەیگ هاوبەش لەباوەت پەیاکردن سەکوویەیل وەشانن فڕۆکەیل بی فڕۆکەوان لە نزیک پارچەی سنووری ناوەین هەردوگ وڵاتەگە. سعودیە دۊکە جمعە، راگەیان کە کڕ لۊلەیل "خوەرهەڵات خوەرئاوا" لە هەردوگ ناوچەی ریاز و مەدینەی مونەوەرە کریانەسە ئامانج وە چەن "فڕۆکەیگ بی فڕۆکەوان کە لە عراقەو هاتنە"، وتیش کە "هەڵوژارد وەڵام نەەێدەو لەی قۆناغە، و پشتگیری تەقەلایەیل حکومەت عراقی بکەێد".