دەسەی دەسپاکی جێگر وەڕێوەبەر کۆمەڵگەی دانەوێڵەی ئیسحاقی دەسگیر کەێد وە تاوان بەرتیل وەرگردن لە سەڵاحەدین

شەفەق نیوز - بەغداد دەسەی دەسپاکی فیدراڵی، ئمڕوو یەکشەممە، خەوەر دا لە دەستگیرکردن ئەرا جێگر وەڕێوەبەر کۆمەڵگەی دانەوێڵەی ئیسحاقی لە پارێزگای سەڵاحەدین وە مدوو داواکردن بەرتیل و سوود لە وەرانوەر پێشلکردن ئەرکەیل کاری خوەی. دەسەگە لە بەیاننامەیگ فەرمی دیاریکرد تیمیگ لە لێکۆڵەرەیل و فەرمانبەرەیل نویسینگە لێکۆڵینەوەی سەڵاحەدین توانستن جێگر وەڕێوەبەر کۆمەڵگەی دانەوێڵەی ئیسحاقی دەسگیر بکەن، دویای رەسێن زانیاریەیل لەبان وەڕێوەبەرایەتی هەواڵگری سەڵحەدین، لەبان ئەوەگ توومەتبارەگە داوای باج لە جووتيارەیل کردیە و بڕیگ پول لەلیان وەرگردیە لەوەرانوەر فرووشتن و وەرگردن بەرهەم گەنم فرووشیاگەیل.