17 رووسی بوونە قوربانی پەلامارەیل خرس لە ماوەی ساڵ 2026

شفق نیوز- موسکۆ ئاژانس "نۆڤۆستی" رووسی، ئمڕوو چوارشەممە، خەوەر دا لە کوشیان 17 هاووڵاتی رووسی لە دانشتگەیل ناوچەیل سیبیریا لە خوەرهەڵات، لە ئەنجام پەلامار خرسەیل قاوەیی لە ماوەی گوزەشتەی ئمساڵ. لە نووترین ئێ رویداوەیلە لە هەرێم کراسنۆیارسک لە خوەرهەڵات سیبیریا بوی، کە داربڕیگ تەمەن 39 ساڵان شەو 23 أيلول/سێپتێمبەر کەفتە وەر پەلامار خرسیگ لەناو ناوچەی دارستانەیل "یێبیشینسکۆی" لەنزیک ئاوای "پۆتابۆڤۆ"، وەپای داتایان وەڕێوەبەرایەتی لیژنەی لێکۆڵینەوە لە هەرێمەگە.