ئاراستەی ناودەوڵەتی نوو.. فڕۆکەخانەی کەرکوک فڕین راستەوخوەی ئەرا قاهیرە راگەیان

شەفەق نیوز- کەرکوک فڕۆکەخانەی ناودەوڵەتی کەرکووک، ئمڕوو چوارشەممە، راگەیان دەسکەێد وە کلکردن فڕۆکەیل راستەوخوەی لە ناوەین کەرکوک و قاهیرە، لە چوارەم رووژ مانگ تشرین یەکەم/ئۆکتۆبەری ئایندە، لە چوارچمگ تەقەلایەیل فراوانکردن توور ئاراستەیل و بەهێزکردن پەیوەنی ئاسمانی. وەریوەبەرایەتی فڕۆکەخانەگە لە بەیاننامەیگ فەرمی ئاشکراکرد، زیایکردن ئی ئاراستە ئەرا دابینکردن هەڵوژاردەی گواستنەوەی راستەوخوەی گەشتیارەیلە، و بەهێزکردن جویلەی گواستنەوەی ئاسمانی لە ناوەین کەرکوک و کۆمار میسر.