ئاگر کوينەترین بازاڕ پاریس سزنێد

شەفەق نیوز ـ وەدویاچگن ئاگر گەپیگ و بازاڕ مێژوویی ئۆنفان لە پاریس وە تەواوی سزنێد، وەبان ئەوەگ دەسوەجی تیمەیل ئاگرکپەوکردن و فریاکەفن زوی رەسینەس ئەرا شوین رویداوەگە. دەزگای ئاگرکپەوکردن پاریس، ئمڕوو سێشەممە، راگەیان، ئاگرەگە، شەوەکی ئمڕوو سێشەممە، هیزگردیە لە بازاڕەگە و وە خێرایی ئەوزەڵکردیە ئەرا گشت رویبەرەگە کە هەزار مەتر چوارگوشەس.، تیمەیلیش دەسوەجی تەقەلایەیلیان ئەرا کپەوکردنی خەسەوکردن و نۆ لویلەی ئاو گەپ گەوکارهاوردن. دەسەڵاتدارەیل شارەگە تا ئیسە مدوو سەرەکی هیزگردن ئاگرەگە دیارینەکردنە و لێکۆڵینەوەیل فەرمی فراوانیگ لەی رویداوە وازکریاس.