ئازادکردن نیم ملیۆن پەنجەماسی لە ئاوەیل زێی بویچگ لە کەرکوک

شەفەق نیوز- کەرکوک وەڕێوەبەرایەتی جفتکاری کەرکوک، ئمڕوو چوارشەممە، 500 هەزار پەنجەماسی لە ماسی کارپ خسە ناو ئاوەیل چەم زێی بویچگ لە ناحیەی پردێ (ئاڵتون کۆپری) لە باکوور پارێزگاگە، وە مەبەست گەشەدان وە سەروەت ماسی و بەهێزکردن سەرچەوەیل سروشتی و پشتگیریکردن ئاسایش خوەراک لە پارێزگاگە. پرۆسەی ئازادکردنەگە وە فەرمان وەڕێوەبەر جفتکاری کەرکوک زوێر عەلی، و وە سەرپەرشتی سەرۆک بەش خزمەتگوزاری سەروەت ئاژەڵی و سەرۆک هۆبە جفتکاری پردێ، و وە ئامادەبوینی شمارەیگ لە وەرپرسەیل ناوچەگە و ئیوەتکەرەیل ماسی وەڕێوە چگ.