خوەنین باڵای کوردستان: 39 هەزار خوەنەوار لە دەرچگەیل پۆل 12ی ئامادەیی لە زانکۆیەیل هەرێم وەرگیریا

شەفەق نیوز - هەولێر وەزارەت خوەنین باڵا و توێژینەوەی زانستی لە هەرێم کوردستان، ئمڕوو یەکشەممە، وەرگردن 99% لە داواکارییەیل پێشکەشکریاگ، کە رەسێدە 39,950 داواکاری ئەرا دەرچگەیل قۆناغ شەشەم ئامادەیی ئەرا خوەنین لە زانکۆ و پەیمانگایەیل هەرێم ئەرا سال خوەنین 2026 - 2027 راگەیان. لە وەخت کۆنگرەیگ رووژنامەوانی وەزیر خوەنین باڵا و توێژینەوەی زانستی لە هەرێم، ئارام محەمەد قادر لە باڕەگای وەزارەتەگە لە هەولێر سازکریا و پەیامنێر ئاژانس شەفەق نیوز ئامادە بوی، ئەرا راگەیانن ئەنجامەیل وەرگردن دەرچگەیل قۆناغ ئامادەیی وە گشت لقەگانی.