کوشیان و زەخمداربوین 12 کەس وە پەلامار بان فرۆکەخانەی مەلیک خالید لە پایتەخت سعودیە

شەفەق نیوز - ریاز دەسەی فڕۆکەوانی مەدەنی سعودیە، شەوەکی ئمڕوو دووشەممە، کوشیان و زەخمداربوین 12 کەس تر راگەیان، لە ئەنجام پەلامار بان فرۆکەخانەی ناودەوڵەتی مەلیک خالید لە ریاز، لە ئیوارەی دویەکە یەکشەممە. دەسەگە لە بەیاننامەیگ لەڕی هەشمارەگەی لە بان پێگەی "ئێکس"، راگەیان پەلامار بان فرۆکەخانەگە بویە مدوو کوشیان دانشتگەیل لە رەگەزنامەی پاکستانی و زەخمداربوین 11 کەس کە وە شیوەیگ زوی ئەرا خەستەخانە کلکریان تا چەودێری پزیشکی هەوەجەکریاگ وەربگرن. دەسەی فڕۆکەوانی مەدەنی لە بەیاننامەگەی دیاریکرد، پەلامارەگەی بان فرۆکەخانەگە بویە مدوو زەرد مادی کە دەسکریاس وە مەزەنەکردنی.